AF268: 68r

Aḥẕarī‑yi Gelibolı

hezec: mefʿūlü ‑ mefāʿīlü – mefāʿīlü – feʿūlün

1 Biz ceng eriyüz cāna qıyar merd‑i cihānuz
Biz dil aluruz baş keserüz şīr‑i fiġānuz

Aʿdā qanını ḫāke ṣaçar mār‑i semūmuz
Āteş gibi mālik[‑i] qılıcuz āb‑i revānuz

Seyl oldı aqar ʿaskerümüz kūhla deşte
Her sūda ki düşmen ola biz aña revānuz

ʿİfrīde ʿadū ʿasker olub olsa ser‑efrāz
Almaġa başın hātif‑i berq ̮gibi resānuz

5 Dil almaġa aġzın araruz ġonce‑femüñ biz
Ürez azın [?] ʿiyān eylemezüz sırr‑i nihān[ān]ız

Hengām‑i vaġā germ olıcaq cünd‑i muʿānid
Ālāyı bozar qalbini ‑ ‑ ‑v [?] dumanuz

Biz heybet‑ile qalb‑i ʿadū içre yėr ėtdük
Meydānı söküb diller alan ṣaf‑şikenānuz

Müjgānı gibi dīde‑i aʿdāya dizildük
ʿOs̱mānīyüz elqābla aṣḥāb‑i S/s/inānuz

Biz aq u qara mālikiyüz surḥ‑ser ekābir
Biz şarqla ġarb ṣāḥibiyüz şāha ʿıyānuz

10 Ḥusrev [!] ne dil‑āverdür ki Şīrīn aña cāndur
Ferhād‑serüz düşmene biz kūh‑i kenānuz

Nergis gibi ıldıza levend Gürcī çıqarsa
Açıq başa eger qaqaruz ehl‑i qurʾānuz

Gel Aḥẕarĭ[yā] medḥe vü şehenşāhla ḥatm ėt
Sulṭān‑i cihān qullarıyuz merd‑i zemānuz

ʿÖmrini ḫudā devlet‑ile ėde müʾebbed
Yolında fedā qullarıyuz pīr ü cevānuz

mes̱elā bir kimesne yekşenbe gün giysi biçse ġamm ve ġuṣṣa ile pāralaya mübārek olmaya dü‑şenbe bir rivāyet‑i // mübārekden bir rivāyet‑i teşevvüş vāqiʿ ola se‑şenbe gün biçse artaqala yāḫᵛud oda yana // yā ṣuya ġarq ola mübārek olmaya cahār‑şenbe gün biçse niʿmet zaḥmetsüz yetişe // penç‑şenbe gün biçse ʿālim ise ʿilmi arta cāhil ise māli arta cumʿa gün biçse ʿömri uzun // ola ve ʿizzet bula şenbe gün biçse marīżi ola mādāmki [?] ol giysi üzerinde // ola gövdesinden dürlü dürlü renc gitmeye meger baġışlaya mes̱elā giysi geymenüñ daḫı ḥükmi böyledür // şöyle maʿlūm olub ġaflet olunmıya

Az marg ḥaẕar kardan dū rūz ravā nīst
Rūzī [ki] qażā bāšad va rūzī ki qażā nīst

Rūzī ki qaẓā bāšad kūšaš/kūšiš nakunad sūd
Rūzī ki qażā nīst ḥaẕar nīz ravā nīst